【自助餐放蛇起底组】Asahi+梅酒任饮! $188周末蒸锅
2020-06-13

    天气暖番少少,食日式放题又冻咗少少,今次呢间有蒸气锅,啱哂乍暖还寒嘅天气。星期六、日都只係$188,仲有酒类饮品任饮,抵!即刻试吓有无伏。

蒸气锅等足16分钟 海鲜带腥肉质差

放题总係分唔同入座时段划分价钱,今次2小时放题由5:30入座,讲明食到7:30就要交枱,食物上得慢啲,都食得赶赶哋。点知入座后,个蒸气锅等咗16分钟先上枱。

落单都係剔纸仔,一本过揭哂前菜、刺身、夀司及天妇罗等等食物,而蒸气锅就有另一张纸填,牛肉及鸡肉等基本肉类,而海鲜就有帆立贝及蚬,蔬菜就有小棠菜、鲜冬菇及南瓜。

【自助餐放蛇起底组】Asahi+梅酒任饮! $188周末蒸锅
落单剔纸仔,一本过慢慢揭,日式放题基本货都交足,几方便。
【自助餐放蛇起底组】Asahi+梅酒任饮! $188周末蒸锅
帽子蒸气锅等足16分钟先到,唔算快手。

肉类来到见到个样都知唔多对路,牛肉一夹,一片厚、一片薄到烂咗,猪肉唔係猪腩片,真係猪肉片,得鸡肉个样最对路。蒸完出来,结果符合外观推测,牛肉、猪肉都係坚嚡口。Sorry,我真係食唔落,吞唔到。

帆立贝及蚬都係好细只,自己去街市买,应该都会大只过佢,睇落都唔係新鲜货。果然,食落係有阵腥味。唔……落番提供韩式辣酱及蒜蓉等,每样加啲味,都应放入到口,但标榜日式蒸气锅呢,感觉韩风多啲,还是沾芥末吧。

【自助餐放蛇起底组】Asahi+梅酒任饮! $188周末蒸锅
牛肉及猪肉色泽暗哑,脂肪分布超分明,又切得厚薄不一,见到都知无咩期望。
【自助餐放蛇起底组】Asahi+梅酒任饮! $188周末蒸锅
蒸完一如所料,肉质好嚡,咬两吓顶唔顺要吐返出来,海鲜有啲腥。
【自助餐放蛇起底组】Asahi+梅酒任饮! $188周末蒸锅
蒸气锅底流行煮粥,集精华于一身,但呢个粥煮成个钟都係烂饭。

 

刺身寿司新鲜 但说好的鹅肝呢?

刺身都算正路,来得啱数又快手,三文鱼厚切又肥美,油甘鱼脂肪分布得ok,但雕鱼就无咩味,腥腥哋。甜虾虾壳黐住啲虾肉,带子size唔大,但成只完整,无再悭皮薄切,食落都甜美,算係咁啦。

【自助餐放蛇起底组】Asahi+梅酒任饮! $188周末蒸锅
三文鱼厚切又肥美,唯独係雕鱼差啲,唔够新鲜,无咩味。
【自助餐放蛇起底组】Asahi+梅酒任饮! $188周末蒸锅
寿司有惊喜,柚子胡椒味坚係好香柚子,再慢慢渗出刺激辣味,几特别。吞拿鱼切得唔好,加上本身肉质麻麻,光泽欠奉,其他寿司就正常啱数。

受欢迎嘅吞拿鱼无得拣刺身,净係可以叫寿司,不过见到真身时,睇来师傅刀功麻麻哋,切到啲肉好霉。其他卷物算係符合图片说明,要芒果有芒果,要芝士有芝士,但最期待的鹅肝带子卷,说好的鹅肝呢?一定係消失于无形之中,卷中只剩孤独的青瓜。

【自助餐放蛇起底组】Asahi+梅酒任饮! $188周末蒸锅
卷身有芝士炙烧,又有芒果,味道唔错,但鹅肝带子卷的主角连影都唔见。

串烧店开到成行成市就知道好受欢迎,放题必食之一,点知又失望了。牛舌用盐、黑椒调味,但肉质嚡,肉汁少。猪腩片,谂住有猪腩肥位无死错人,点知瘦肉位嚡到起渣。以为鸡翼实无死啦?点知都係dry。得烧虾比较可取,烧得个壳脆卜卜,但肉质都係烧过火。

转战海鲜类,烧蚝望落调味重手,壳大蚝肉细,少少腥,调味救番。烧帆立贝重口味,食落味道正常,但竟然有沙。

【自助餐放蛇起底组】Asahi+梅酒任饮! $188周末蒸锅
全部肉类串烧肉质烧得嘅乾又嚡,估唔到连肥油多的猪腩片,都係嚡。
【自助餐放蛇起底组】Asahi+梅酒任饮! $188周末蒸锅
烧菠萝唔係开罐头,坚係新鲜菠萝,爆汁好味。烧海中虾烧得外表脆卜卜,但清酒煮蚬就煮过火,蚬肉收哂水,闻落去酒香好重,食落得鹹味。
【自助餐放蛇起底组】Asahi+梅酒任饮! $188周末蒸锅
烧蚝睇落几好,落筷子剔开,发现蚝肉好细,有啲腥味,好在芝士酱够多,救得返。
【自助餐放蛇起底组】Asahi+梅酒任饮! $188周末蒸锅
帆立贝同烧蚝一样,仲要有沙添,都係食酱料味啦。
【自助餐放蛇起底组】Asahi+梅酒任饮! $188周末蒸锅
天妇罗炸浆薄身,炸天妇罗虾有少少弹牙,其余茄子及蟹棒等都几好味,较特别嘅係小番薯。

超值回本 任饮酒精饮品

最回本係任饮啤酒、清酒及梅酒,啤酒仲要坚係Asahi,唔係杂牌啤酒。超市买六罐都要近$50,出街饮更无几十蚊都饮唔到,饮多两罐,再包埋食一餐,都算几抵。清酒及梅酒都无伏,清酒衬刺身、寿司一流,梅酒偏甜,啱哂丝打,怕醉仲可以加冰饮。唔饮酒?饮品选择都几多,连果汁先生都有,仲有清热饮品,食完天妇罗、串烧饮够下火。

【自助餐放蛇起底组】Asahi+梅酒任饮! $188周末蒸锅
平时任饮啤酒通常都係杂牌,呢间有Asahi即叫原罐上,仲有清酒及梅酒饮,酒鬼至爱。

失望!雪糕得雀巢芝麻味及云呢拿味

有啲放题都会有靓牌雪糕食,但限一人食一个,呢度就得雀巢,唯有当回忆童年味道啦。好在有雪米糍食,无咁失望。其他甜品仲有奶冻同日式果冻,个样都唔日式,似港式杂果啫喱,味道与想像都一样,甜甜哋,无惊喜。

【自助餐放蛇起底组】Asahi+梅酒任饮! $188周末蒸锅
日式果冻及奶冻,单睇个样,相信大家都感受到股伏味。

总结:环境方面,梳化位及卡位多,旺区来讲算阔落,但蒸气锅佔枱面唔少空间,不时无位放食物。食物算快手上枱,但串烧太乾身,上枱已唔够热,蒸气锅食材又唔新鲜,係得刺身、寿司及天妇罗唔错。胜在有酒精饮品任饮,酒鬼饮多几罐都抵番,不过明明限时两个钟,但侍应在半个钟前,已经来收钱同last order,要扣分。

总分:6.5/10

【自助餐放蛇起底组】Asahi+梅酒任饮! $188周末蒸锅
环境阔落,旺区算係咁,影相时未到六时,转头全场爆满,记得早啲到拎位。

筑地番本日式放题

地址: 旺角通菜街1A-J号威达商业大厦Deli 2 一楼B室(显示地图)

电话:2336 8350

$188晚市放题供应时间: 星期六及日:5:30pm-7:30pm

收费: 成人:$188

备注:收加一

 

延伸阅读:

【18区扫食】太子直击 爆膏蟹皇饭+肥厚菜甫蛋pizza

|18区扫食|深水埗8大惹味店 芝士鸡髀保龄球


上一篇: 下一篇:

相关推荐